Sogn “minutt for minutt” - ein felles bu- og arbeidsmarknad

Kan du tenkja deg å bruka 30 minuttar frå du reiser frå bustaden din i regionsenteret Sogndal til du går inn kontordøra i Gaupne? Eller kva med å bu i ein eplehage på Leikanger og pendla inn til industriarbeidsplassane på Kaupanger? Du brukar ikkje meir enn 30 minuttar på denne strekninga heller. Ein felles marknad for arbeidskraft og arbeidsplassar betyr at du ikkje treng å flytta eller bruka vesentleg tid på å reisa for å arbeida. Avstandane i Sogn ser kanskje lange ut på kartet, men i kø-frie samfunn er tida du brukar på å flytta på deg kortare enn tal kilometer.  

I Sogn kan du arbeida på kompetansearbeidsplassar i Leikanger, Sogndal, Vik eller Gaupne uavhengig av kvar i Sogn du buset deg. Med eit stort og variert næringsliv kan du skifta jobb utan å skifta bustad.