Karrierefestival
21. oktober 2026
Campus Sogndal
Om karrierefestivalen
Vi ynskjer å invitere til tidenes møteplass
for arbeidsgjevar og arbeidstakar
Høgskulen på Vestlandet, linjeforeningane, Saman, Framtidsfylket Vestland og Sogn Næring har gått saman for å lage ein møteplass mellom studentar ved Campus Sogndal og offentleg- og privat verksemder i Sogn og nærkommunane. Målet er å verte kjend, bygge relasjonar og utforske moglegheiter for framtidig samarbeid og rekruttering.
Ingen ledige stillingar?
Fokuset ved ein slik dag er ikkje berre på å syne eventuelle ledige stillingar, men på å bygge relasjonar og styrke arbeidsgivarprofilen hos framtidas kompetanse.
Føredrag
Stands
Workshops
Bedriftspitch
Konsert
Konsert med Look Out Louie
For fjerde året på rad skal ein ung vestlandsartist spela på alle campusane våre. I år er det tidlegare HVL-student Even Engevik, betre kjend som Look Out Louie, som tek turen. I Sogndal spelar han på Meieriet som ein del av karrierefestivalen.
Look Out Louie byggjer på ærlege tekstar, sofistikerte melodiar og eit organisk gitardriv. Musikken ligg i landskapet mellom indierock og powerpop, med nikk til The Kooks, Big Star og Sondre Lerche. Debutsingelen «November Nights» vart følgd opp av ein energisk konsert på 100 Dagar i vår, og på campusturnéen får vi høyre songar frå den komande plata.
Mykje av låtkatalogen vart til i studietida, og fleire av songane spring ut av kvardagen i Bergen.
«Medan eg budde rett ved høgskulen, skreiv eg ein låt om ein viss nabo som kasta ein brustein gjennom soveromsvindauget mitt ein kald januarmorgon i fjor. Den kjem sjølvsagt på setlista», seier han.
Program
Program
Gjennom dagen kan du møte bedrifter og organisasjonar på stands i kantina. Mellom kl. 10 og 16 blir det føredrag, karriereaktivitetar, workshops og møte med studentorganisasjonar. På kvelden flyttar festivalen til Meieriet.
Opning og velkomst
Bedriftsstandar
Møt verksemder, kommunar og andre aktørar. Bli kjend med karrieremoglegheitene i Sogn, bygg nettverk og slå av ein prat med potensielle arbeidsgjevarar.
Tre føredrag, vel det som interesserer deg mest.
Fredrik Fornes
Fredrik er kjend for å utfordre etablerte sanningar om arbeidsliv og karriere. Med humor og alvor avslører han sjokkerande historier om paradoks i norsk arbeidsliv.
Sognefjorden · Fossbygget, 3. etasjeLinda Eide
Det moderne samfunnet treng ein skikkeleg språkvask, og Linda Eide stiller med kost og krutt, og ikkje minst mange lattervekkjande og pedagogiske eksempel.
Josten · Høgskulebygget, 1. etasjeTanja Bø Uggerud
Med humor og varme gjev Tanja døme på kva du kan venta i arbeidslivet, og korleis du kan bidra til ein arbeidsplass der ein ser kvarandre, heiar på kvarandre og får fram det beste i kvarandre.
Storen · Høgskulebygget, 2. etasjeUtforsk ulike fagområde, møt arbeidslivet og få konkrete tips til karrierevegen vidare.
YGGA · Stein Joar
Stein Joar tek deg med på ein «bærtur» der han deler forsking om kvifor svingingar i bærproduksjonen oppstår, og om vi faktisk kan redde framtida til blåbæret og tyttebæret.
Ålfoten · Høgskulebygget, 1. etasjeLærarstudentane · Nok. Sogn og Fjordane
Kompetanse mot seksuelle overgrep: Nok. Sogn og Fjordane.
Livsmeistring, robuste barn og unge: Marte K. Krogstadmo.
Stad · Høgskulebygget, 2. etasjeHandelshøgskulen
Høyr verksemder pitche kva dei driv med, kva dei ser etter og kvifor du skal velje å jobbe hos dei. Her kjem bedrifter som er aktuelle for studentar på Handelshøgskulen, og etterpå stiller dei på stand.
Storen · Høgskulebygget, 2. etasjeHVL Skape · Alle fagområde
Har du lurt på korleis det er å starte noko eige, men ikkje veit kor du skal byrje? I denne workshopen får du ein smakebit på gründerreisa. Gjennom designtenking og leikne, kreative øvingar tek du ein idé frå start til slutt på 75 minutt.
Mølla · Fossbygget, 3. etasjeVelferd og deltaking / FO-studentane
Tverrfagleg samarbeid – vernepleiar i barnevernet: Daniel Fagerdal frå Sogndal kommune fortel om tverrfagleg samarbeid og rolla til vernepleiaren i barnevernet.
Forsking med beina i praksis: Presentasjon av fleire prosjekt frå barnevern og vernepleie som er godt forankra i praksis. Innovasjon og karriere innan barnevern og vernepleie er ein raud tråd gjennom presentasjonane, som blir avslutta med ein open dialog.
Hild 1 · Bragebygget, 1. etasjeIdrett og friluftsliv
Møt arbeidsfeltet og få innsikt i kva eigenskapar og kvalitetar dei meiner er viktige for studentane i karrierevala deira seinare.
Hild 2 · Bragebygget, 1. etasjeSaman Karriere · Sigrid Isdal
Bli betre kjend med eigne styrkar, lær å bruke LinkedIn, forstå verdien av nettverk og få praktisk trening til jobbintervjuet.
Biblioteket · Høgskulebygget, 4. etasjeLunsj og standområde
Ta turen innom standane og bli betre kjend med verksemdene. Du finn lunsj i kantina i Høgskulebygget, kaffibaren i Stadionbygget og servering utanfor Bragebygget.
Studentar med festivalband får gratis lunsj, sponsa av Asplan Viak. Vis bandet ditt og hent ein briks og eit glas saft i kantina.
Vel mellom tre føredrag om arbeidsliv, språk og karriere.
Fredrik Fornes
Fredrik avslører sjokkerande historier om paradoks i norsk arbeidsliv, med humor og alvor.
Sognefjorden · Fossbygget, 3. etasjeLinda Eide
Linda Eide stiller med kost og krutt, og ikkje minst mange lattervekkjande og pedagogiske eksempel.
Josten · Høgskulebygget, 1. etasjeHege Skogen og Alexander Zwart
Kva om den rette jobben ikkje finst enno, men er noko du må skape sjølv? Møt Hege og Alexander, som på kvar sin måte har gått eigne vegar og forma sin eigen arbeidskvardag.
Storen · Høgskulebygget, 2. etasjeVel ein aktivitet og få inspirasjon, fagleg påfyll og nye perspektiv på arbeidslivet.
Nathaniel Stødle
Kvifor vert KI-svar så generiske, og kva kan du gjera med det? Ei praktisk og interaktiv økt for deg som vil bruka KI smartare, heilt utan forkunnskapar. Nathaniel har vore student ved HVL tidlegare og har no starta eiga bedrift. Han kjem for å dele erfaringar om bruk av KI.
Biblioteket · Høgskulebygget, 4. etasjeNorconsult
Norconsult Sogndal presenterer verksemda si og fortel om kva kompetanse dei ser etter. Du får innblikk i relevante prosjekt og arbeidsoppgåver, og korleis studentar innan miljø- og naturfag kan bruke kompetansen sin i arbeidslivet.
Ålfoten · Høgskulebygget, 1. etasjeInger Marie Einan · Barnehage
Inger deler ei karrierereise som aldri var planlagd, om val og moglegheitene undervegs, og om korleis eit tydeleg verdikompass med barnet i sentrum har følgt henne gjennom heile yrkeslivet, frå barnehagelærarstudent på HVL til toppleiar i barnehagesektoren.
Stad · Høgskulebygget, 2. etasjeHVL Skape · EMLIS og ØKS
Har du lurt på korleis det er å starte noko eige, men ikkje veit kor du skal byrje? I denne workshopen får du ein smakebit på gründerreisa. Gjennom designtenking og leikne, kreative øvingar tek du ein idé frå start til slutt.
Mølla · Fossbygget, 3. etasjeAsplan Viak · Tord Are Meisterplass
Tord Are Meisterplass blei lam etter ei skiulykke, men det stoppa ikkje ekspedisjonsdraumen. Han fortel om førebuingane, ekspedisjonen og korleis han møter motgang.
Hild 2 · Bragebygget, 1. etasje (rom må avklarast)Idrett og friluftsliv
Hedda Romberg (15:50–15:56), Ingrid Emilie Aarflot (15:56–16:02), Julia Levin (16:02–16:08) og Anton Sekkingstad (16:08–16:14).
Hild 2 · Bragebygget, 1. etasje (rom og sluttid må avklarast)Avslutning av dagprogrammet
Dørene opnar
Studentar og verksemder møtest på Meieriet for å fortsetje praten om dagen som har vore.
Pitche-timen
10 verksemder pitchar kva som er kjekt med å jobbe akkurat hos dei, og i deira kommune.
Quiz og bazar
Har du følgt godt med på karrieredagen, har du gode moglegheiter til å vinne denne quizen. Vi trekkjer også vinnarar blant alle som har samla lodd på standane.
Mingling
Hald fram dei gode samtalane fram til konserten startar.
Konsert med Look Out Louie
Den tidlegare HVL-studenten Even Engevik byr på indierock og powerpop når han tek turen til Meieriet som ein del av årets campusturné.
Dørene lukkar
Vi håpar du har stifta nye bekjentskap, fått inspirasjon til karrieren din etter studia, fått idear til bacheloroppgåve eller kanskje funne draumejobben eller sommarjobben. Vi ønskjer deg ei god natt!
Bli kjend med føredragshaldarane:
Fredrik Fornes er føredragshaldar, arbeidsliv-influenser, TEDx speaker, seriegründer og bestselgende forfatter. Han har blitt kjend for å utfordre etablerte sanningar om arbeidsliv, rekruttering og karriere.
Fredrik kjem til Sogndal for å fortelje om paradoksa i norsk arbeidsliv. Eit føredrag som med ei blanding av humor og alvor avslører sjokkerande, ekte historier om fire store paradoks i norsk arbeidsliv, om unge som ikkje får erfaring, gravide som ikkje er ønskte, stillingsannonsar frå 1958 og arbeidstakarar som blir stempla som utdaterte allereie ved 50.
Fredrik Fornes
Kvifor endar me så ofte opp med eit språk som skapar avstand, uklarheit, irritasjon og apati? Og kva skal til for å skriva og snakka eit begripleg språk, tilpassa målgruppa.
Humørfylt, men med ein alvorleg undertone, syner Linda Eide fram kva eit klart språk faktisk er, og kva som må til for å gjera informasjon og formidling meir forståeleg og engasjerande.
Det moderne samfunnet treng ein skikkeleg språkvask og Linda Eide stiller med kost og krutt, og ikkje minst: Mange lattervekkande og pedagogiske eksempel.
Linda Eide
-
Tanja Bø Uggerud er pedagog, føredragshaldar, rådgivar og grunnleggjar av Raus Ledelse. Ho har over 20 års leiarerfaring, nærmare 400 føredrag bak seg og ein mastergrad i leiing. Tanja er kjend for å formidle forsking og erfaring med stort engasjement, humor og konkrete historier frå arbeidslivet.
Ulikskapar som styrke:
Arbeidslivet handlar om meir enn fagkompetanse. Vi skal byggje relasjonar, samarbeide med menneske som er ulike oss sjølve og bidra til eit godt arbeidsmiljø.I føredraget viser Tanja korleis ulikskapar, ulike kommunikasjonsstilar og ein god tilbakemeldingskultur kan styrkje samarbeid og tillit. Med humor, varme og konkrete døme får deltakarane innsikt i kva dei kan forvente i arbeidslivet, og korleis dei sjølve kan bidra til ein arbeidsplass der ein ser kvarandre, heiar på kvarandre og får fram det beste i kvarandre.
-
Kva om den rette jobben ikkje finst enno, men er noko du må skape sjølv?
Møt Hege Skogen og Alexander Zwart, som på kvar sin måte har valt å gå eigne vegar og forme sin eigen arbeidskvardag.
Hege Skogen har hatt en innholdsrik og sammensatt karriere så langt - hun har gått fra konserntrainee i Posten bring, til forretningsutvikler, Head of Operations og daglig leder. For 1,5 år siden tok hun en venstresving: Hun hoppet av lederkarrieren, bestemte seg for å forfølge drømmen om en porteføljekarriere med flere ulike inntektskilder, og flyttet til Luster i Sogn for å prøve et annet type liv enn det hun var vant til.
Alexander Zwart er ein prisvinnande regissør frå Lærdal. Han starta med å lage filmar heime på garden som tenåring, før vegen gjekk via studiar og arbeid i Los Angeles og London og vidare inn i film- og reklamebransjen. I dag har han etablert produksjonsselskapet West of Eden, med base i Oslo og Lærdal, med mål om å skape sin eigen arbeidsplass og trekkje fleire nasjonale og internasjonale filmprosjekt til regionen.Saman deler Hege og Alexander erfaringar frå utradisjonelle karrierevegar, om å ta eigne val, skape moglegheiter og byggje eit arbeidsliv som passar livet ein ønskjer å leve.
“Ein møteplass mellom student og bedrift gjorde at eg skaffa meg ein praksisplass, som vidare førte til en deltidsstilling. No jobbar eg 100% i same bedrift, og eg trur ikkje eg hadde fått den moglegheita om eg ikkje hadde møtt dei der den dagen”
- Tidligare student, HVL Campus Sogndal
Gode grunner for at di
bedrift skal delta
Eit direkte møte med framtidas kompetanse
Synleggjering av bedrifta
Kostnadsfri påmelding for 2026
Vere med å styrke rekruttering til Sogn & omegn
Fagleg påfyll i form av føredrag og workshops
God stemning
I 2026 er arrangementet
GRATIS for bedrifter.
Påmeldinga er no stengd for i år.
PS!
Det vil vere ein bedriftspitch på kveldstid på Meieriet, der målgruppa er alle studentar (påmelding i skjemaet).
Handelshøgskulen, marknadsføring og reiseliv , samt idrettsutdanning, har pitch óg som ein del av karriereretta aktivitet på dagtid.
Om bedriften din ynskjer å høyre meir om moglegheita for å vere med på det, ta kontakt med:
Idrett: Ellen Eimhjellen Blom , ellen.blom@hvl.no
Handelshøgskulen og reiseliv: Øyvnd Stokkenes Eliassen, Oyvind.Stokkenes.Eliassen@hvl.no
